موسوعة سلافة شطة لفنون الطبخ

وصفات طبخ من جميع أنحاء العالم
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 ملاح النعيميه

اذهب الى الأسفل 
كاتب الموضوعرسالة
سلافة
Admin


المساهمات : 1319
تاريخ التسجيل : 24/06/2012

مُساهمةموضوع: ملاح النعيميه   الإثنين يوليو 06, 2015 10:34 am


(ملاح النعيميه)
1\بصله كبيره تحشيها حش نااااااااعم
2\زبادي كميه مناسبه قولي رطلين لو بالفلتي لو المعبا علبتين كبار زبادي كابو
3\ملعقتين كبار صلصه
4\دكوه كميه مناسبه ماتكون شويه عشان هي بتدي طعم حلو شديد للروب
5\ربع كيلو لحمه مفرومه
6\مكعب مرقة ماجي
7\بهارات..ملح..كسبره...فلفل
8\زيت كميه بسيطه
9\ملعقه ويكه ناشفه


الطريقه:

تجيبي حله مناسبه كده وتختي فيها الزيت في النار وتخليهو يسخن شويه وبعدين تكبي فوقو البصل المقطع ناعم
وتبدي تقلبيهو وتخليهو لحدي مالونو يبقي دهبي خفيف ماتخليهو يحمر عديل زي( بصلة التقليه )اها بعدداك تكبي فوقو اللحمه المفرومه
وتقلبيهم مع بعض عشان اللحمه تشيل نكهة البصله الدهبية دي وكمان عشان اللحمه تنجض يلا في المرحله دي ممكن تضيفي الملح والفلفل والكسبره
يلا بعدداك تكون حليتي الدكوه حقتك بشويه مويه وتضيفيها للجماعه ديك(البصله+اللحمه)
وبرضو تخليها شويه في النار مع مراعة انو النار تكون هادية عشان الدكوة ما تمسك وبعدين تقومي تضيفي الصلصة ومكعب المرقة(ده بيظبط الطعم)
وتخلطي المكونات دي كويس مع بعض وتديها زي 5 دقايق كده وبعدين تطفي النار وتخلي الخليط ده يبرد شويه وتقومي تضيفي الزبادي
وتخلطيهو كويس وتقومي ترجعي حلتك النار تاني والنار تكون واطيه شديد وفي المرحلة دي تضيفي ملعقة الويكه الناشفه عشان تدي الملاح شويه مرونه وانسيابية ووتضيفها بصحبة (عزف )المفراكه بحركات دائريه متناغمه(اجي يا التناغم) اها في المرحلة دي عشان ملاحك يطلع نااعم ممكن تدي الملاح زنة في الخلاط او لو عندك مفراكة الكهرباء نفركة بيها عشن ملاح يطلع املس وناعم
يلا تخلي الحله تاني مده 5 دقايق بس تاخد غلوة وحده وتوطيها تعمل وش(اهم شي الوش)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sulvdan.sudanforums.net
 
ملاح النعيميه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موسوعة سلافة شطة لفنون الطبخ  :: فنون الطبخات العربية والعالمية :: المطبخ السوداني-
انتقل الى: