فته الكوارع
اول حاجه نشتري الكوارع نظيفه ونعيد عليها بالدقيق والملح احتياطى ثم نغلى الميه ونسقطها فيها مع ملح وفلفل وحبهان وورق لورا ونتركها على نار هاديه من ساعتين لثلاثه حسب ماتحتاج
نحمص العيش البلدى ونضعه فى طبق غويط شويه
نحمر 5 فصوص ثوم كبيره مع ملعقه كسبره ناشفه فى قليل من السمن ولما يتحمروا قليلا نضيف ملعقتين خل و3 حبات طماطم معصورين ومتسبكين ونغليهم على النار لمده دقيقتين بعد كده نضيف لهم كبشه كبيره من شوربه الكوارع
ناخد من التسبيكه 3 ملاعق نخلطها بالعيش المحمص ونقلبه كويس ونرشه بملعقتين كمان من الشوربه
نضع على العيش طبقه من الارز وعليها بقيه التسبيكه
نحمر الكوارع بعد نشلها من الشوربه ونضعها على وجه الفته وبالهنا والشفا بس متكتروش علشان التخن
موضوع: فته الكوارع 
الأحد ديسمبر 23, 2012 8:29 am
